ENCONTROS NA UNIVERSIDADE DE SANTIAGO

O Xoves da semana pasada, día 2 de Febreiro, o alumnado de 2º de Bacharelato visitou aquelas facultades que tivo que escoller,  con anterioridade. Este ano os itinerarios de máis preferencia foron:

• Ciencias da Educación e Traballo Social
• Mediciña e Enfermaría
• Económicas e Empresariais
• Matemáticas e Física
• Psicoloxía

Este ano, alá me fun, cas alumnas e alumnos que estaban interesados no primeiro do percorridos, antes mencionado.

Na facultade de Ciencias de Educación, recibiunos o vicedecano da facultade. Éstas son algunhas notas a reseñar, do que nos contou: 

• Despois de Mediciña é a segunda facultade máis grande de Galicia
• Na actualidade, a devandita facultade ten dous edificios. 
• Un está no campus Norte, que é onde se imparten os graos de:
• Grao en Mestre de Educación Infantil
• Grao en Mestre de Educación Primaria
• Dobre Grao en Mestre en Educación Infantil e Primaria
• O outro edificio está no campus Sur. Neste pódense estudar:
• Grao en Educación Social
• Grao en Pedagoxía
• Co tempo, desaparecerá o edificio do campus norte e todos os graos, citados antes, estudaranse no campus Sur.
• Unha vez cursados os dous primeiros anos, nos graos de Educación Infantil e Primaria, hai tres mencións para poder especializarse:
• Mención en Inglés
• Mención en Atención á Diversidade
• Mención en Música
• No campus de Lugo, que pertence ,a UDC, na facultade de Ciencias de Educación pódese cursar a mención en Eduación Física.
• Os prácticum pódense facer tanto en escolas de educación infantil como en colexios de educación infantil e primaria. Tamén se poderían cursar en aulas hospitalarias, aínda que na actualidade só se ofertan no Grao en Pedagoxía.

Na segunda parte da mañan, visitamos a facultade de Traballo Social. Aspectos a destacar:

• É un centro adscrito a USC. Para que nos fagamos unha idea do que esto supón, podería ter unha equivalencia co que coñecemos como ensinanza concertada.
• Impártese tamén en Ourense.
• Aínda que o proceso de preinscripción se inicia, dun xeito regular, a través de NERTA como no caso dos restantes graos, a finalización remata na propia facultade por tratarse dun centro adscrito.
• Este grao require:
• Un  elevado compromiso social.
• Boa disposición para traballar en grupo ( psicólogos, educadores sociais...)
• É a antigua titulación de asistente social. 
• Ámbitos nos que intervén un traballador social:
• Servizos de atención  a adicións
• Servizos de proteción a menores
• Xulgados de menores
• Gabinetes de orientación familiar
• Servizos de atención á persoas imigrantes
• Centros de atención á persoas maiores
• Centros de atención á persoas con discapacidade
• Centros de atención á muller.

        

          

VISITAS ÁS FACULTADES DA UNIVERSIDADE DE SANTIGO

Despois de varios anos de parón por causa da pandemia,  a USC retomou os encontros na USC. 

O pasado día 4 de Marzo, foi o escollido polo noso centro para que o alumnado de 2º de bacharelato puidese participar, aproveitando que xa estaban aviliados neste segundo trimestre, que acaba de rematar para eles. Xa é o cuarto curso que acudimos.

Cada  alumno escolleu previamente un percorrido de preferencia que abrangue dúas facultades ou centros universitarios. Esta foi a escolla: 

UNHA PRIMEIRA TOMA DE CONTACTO COA UNIVERSIDADE DE SANTIAGO

Xa é o terceiro ano que o noso alumnado de 1º de Bacharelato visita os distintos centros universitarios da USC  ( antes chamados facultades). Asistimos un total de 37 alumnos e 3 profesores, o pasado xoves 6 de Febreiro. 

Cada un dos alumnos escolleu un itinerario da súa preferencia.Cada un destes percorridos

permite ver dous centros universitarios. 

Este ano quixen estar cos alumnos que escolleron visitar a facultade de Psicoloxía e Ciencias da Educación. 

En Psicoloxía recibiunos a vicedecana no salón de actos. Fixo a presentación destes estudos, destacando os seguintes aspectos:

• Trátase dunha ciencia que estuda mediante o método científico, a forma en que as persoas peciben, senten, pensan e actúan. Tamén se podería definir como a ciencia que estuda a conduta.
• Nos dous primeiros anos estúdanse os procesos psicolóxicos básicos: atención, percepción, memoria...
• No plan de estudos hai materias relacionadas coa bioloxía e as matemáticas.
• Os ámbitos de actuación son tres:
• Psicoloxía social situada no eido das empresas dentro dos departamentos de recursos humanos e tamén facendo intervencións en problemáticas sociais. Tamén chamada Psicoloxía do traballo e as Organizacións que se ocupa do desenvolvemento persoal e profesional dos traballadores e a xestión de recursos humanos.
• Psicoloxía da educación estuda o desenvolvemento do ser humano e as distintas etapas evolutivas para poder optimizar e previr disfuncións da aprendizaxe e o desenvolvemento psicolóxico.
• Psicoloxía clínica para intervir en problemas de saúde mental. Avaliación, diagnóstico, tratamento e prevención que afectan á saúde mental e á conducta adaptativa, en condicións que podan xerar malestar subxectivo e sufrimento dos individuos. Existe a figura do PIR ( Psicólogo interno residente ) para obter o título de psicólogo clínico. Convócanse oposicións a nivel estatal para optar a esta titulación. Na última convocatoria sacaron 120 prazas para toda España.
• Actualmente na facultade de psicoloxía hai tres unidades de investigación e asistencia:
• Unha delas está dirixida ao deporte prestando servizos en federacións deportivas.
• Outra delas está enfocada no tabaquismo e trastornos adictivos.
• A terceira está enfocada en temas de violencia de xénero.
• Tamén hai o GIPCE, grupo de intervención psicolóxica en catastrofes e emerxencias. Este grupo foi de vital importancia no accidente ferroviario de Angrois.
• E xa por último indiciou que afortunadamente, trátase dun profesional que está máis presente na sociedade ca fai uns anos. 

Posteriormente visitamos un laboratorio, algunha aula e o museo de psicoloxía ( único en España ).

A medida que nos foron amosando as instalacións, tamén nos respostaron a  algunhas das dúbidas e preguntas que os estudantes de novo ingreso acostuman a plantexar:

• Impedimentos cando un alumno non cursa o bacharelato de Ciencias: para os alumnos que non cursaron Bioloxía, o profesorado facilita material complementario e adicional para cubrir esta falta de coñecementos.
• En bioloxía estúdanse as bases biolóxicas do Sistema Nervioso Central para coñecer a relación entre conduta e cerebro. Poderíamos dicir que o cerebro é o noso comandante xeral. No laboratorio hai maquetas para coñecer as distintas estructuras cerebrales. Déronnos a coñecer unha ferramenta online que facilita o seu estudo http://www.g2conline.or

• As matemáticas que se cursan en Psicoloxía non son excesivamente complicadas
• Os exámenes son de tipo test, agás nas materias relaciondas coas Matemáticas.

E xa por último fomos recibidos por profesores de Ciencias da Educación que comprenden:

• Mestres nas diferentes especialidades que están ubicados no campus norte
• Pedagoxía que está no campus sur ( no edificio pegado a psicoloxía ). Disciplina que estuda os proceso de cambio, mellora e innovación das persoas e institucións, dentro do sistema educativo e organización comunitaria e laboral
• Educación Social: estes profesionales traballan con colectivos de exclusión social, grupos máis vulnerables con adicions, vitimas de violencia de xénero, persoas maiores e dependentes. Desenvolven a súa labor en ONGs, concellos, asociacions, centros de día...

VISITA Á UNIVERSIDADE DE SANTIAGO: DESCUBRINDO VOCACIÓNS

Este é o segundo ano que o noso alumnado acude aos encontros que a USC organiza. É unha oportunidade para ter ese primeiro contacto coa vida universitaria. A Universidade de Santiago establece varios itinerarios e cada alumno pode visitar dúas escolas universitarias. Recibe aos alumnos cun agasallo, facéndolles entrega dun cartafol. 

A visita realizouse o xoves da semana pasada. Era o último día dos tres, nos que a USC realizaba estas xornadas. Alí nos atopamos con alumnos doutros centros de Galicia. Nós levamos a trinta e dous alumn@s de bacharelato. Eu acompañei aos alumnos que tiñan interese nos estudos do ámbito sanitario: mediciña e enfermaría. 
No primeiro caso, recibiunos a vicedecana da facultade, no salón de actos. Antes de empezar a presentar a titulación, excusouse por non ser posible facer o percorrido polas instalacións, que sempre é algo que o alumnado lle gosta. Explicou que na facultade hai máis de 2300 alumnos estudando, e visitar as distintas dependencias interrompe a actividade académica. Antes de presentar o grao, enumerou as distintas motivacións polas que un alumno decide escoller mediciña:

• Ten pouco paro
• Altruismo, interese científico
• Influencia do entorno ( por ex. a familia )
• Prestixio social
• Un bo expediente no bacharelato

Fixo fincapé, en que algunhas das razóns enumeradas anteriormente, é un erro, xa que un profesional da mediciña, precisa unha gran fortaleza física e emocional. Supón cuidar dos demáis e isto, ás veces desgasta. Para ilustralo cun exemplo, citou, ter que comunicar a un paciente unha enfermidade mortal, para a que non hai cura.
Tamén insistiu en que a profesión precisa ter intelixencia emocional para saber manexar o sufrimento dun paciente, un medico trata con persoas enfermas, non coas enfermidades. 

Sacando conclusións de todo o esposto:

1.  Exercer a mediciña require vocación. 
2.  Hai que facer unha carreira que a un lle guste. "É algo para toda a vida"

Esto podería ser extensible para outras moitas profesións, como pasa non caso da educación.

Foi un grande acerto por parte da facultade, que dúas alumnas de 2º curso, contasen a súa experiencia, e polo que puiden apreciar, os alumnos agradeceron saber que as procedencias para acceder á carreira, son muy distintas e variadas e ata hai estudantes, aos que non lles chegou a nota do bacharelato e selectividade e optaron por facer un ciclo antes de cumprir o seu soño.

En enfermaría puidemos visitar as instalacións. Algunhas delas como os laboratorios, permitiulles ver aos alumnos o material sanitario e simuladores para a realización das prácticas.

Non quero rematar esta publicación, sen dicir que a vicedecana mostrounos fotografías das primeiras mulleres que se formaron para ser médicas. Dúas delas eran xemelgas e que aínda que chegaron a ser personaxes ilustres para a súa época, durante a súa formación eran rexeitadas por compañeiros e mesmo por profesores, chegando en algunhas ocasións a ter que vir escoltadas á facultade, soamente pola súa condición de muller. MÁGOA!!! de non recoller os nomes delas para citalas agora... persoalmente póñenseme os pelos de punta saber que estas cousas ocorreron na historia. A saber.... as calamidades que tiveron que pasar.

ENCONTROS NA UNIVERSIDADE DE SANTIAGO 

Hoxe mesmo, un grupo de 12 alumnos de 2º de Bacharelato e tres profesores, viaxamos a Santiago para establecer unha primeira toma de contacto, coas facultades desta Universidade. Son unhas xornadas de portas abertas, nas que o alumnado ten a posibilidade de visitar dous centros universitarios e hai diferentes itinerarios para escoller.

Unha boa parte dos alumnos que acudiron, quixeron visitar graos relacionados coas ciencias da saúde, sendo Mediciña a máis demandada. Houbo outros que optaron por visitar estudos relacionados coa rama de coñecemento de Ciencias: Farmacia e Bioloxía por unha banda e Enxeñaría Informática e Matemáticas por outra.

Xornalismo e Criminoloxía tamén foron de interese para algunha alumna. Convén indicar, que esta última titulación, será de oferta pública e recoñecida polo Ministerio de Educación no próximo curso. O número de prazas serán 50. 

A valoración feita polo alumnado foi positiva, aínda que nalgún caso, botáron en falta que non se lles ensinasen as instalacións, sobre todo naqueles graos con dependencias e laboratorios. Coido que esto sería importante, para acercalos á realidade dos estudos, que moitos deles pronto darán comezo.