ACHÉGASE O 8 DE MARZO: DÍA INTERNACIONAL DAS MULLERES

Son varias as propostas, que se veñen recollendo nesta bitácora, dende fai varios cursos. É labor dos centros educativos, conmemorar esta data para visibilizar as inxustizas que padecen as mulleres e que aínda a día de hoxe, seguen sendo unha lacra na nosa sociedade. 

Como exemplo de actividades a traballar co alumnado para promover a construción de sociedades máis xustas, éstas son algunhas:

• Actividade 1: Liña do tempo coas principais conquistas e feitos do movemento feminista e das mulleres
• Actividade 2: Análise da publicidade sexista, convidando ó alumnado a facer o traballo de críticos.
• Actividade 3: As nosas referentes, valorando as mulleres da nosa contorna que nos aportan valores engadidos no día a día.
• Actividade 4: Cartografía do machismo identificando os lugares, símbolos, tipos de machismo.

Estas e outras actividades, son as que podedes atopar, máis desenvolvidas nos materiais que se mostran máis abaixo.

Nestas ligazóns tamén se pode consultar, o traballo de anos anteriores:

1. https://orientateenperillo.blogspot.com/2018/03/loitando-por-romper-ese-teito-de.html?spref=tw
2. https://orientateenperillo.blogspot.com/2018/01/as-mulleres-cientificas-sabias-que-o-11.html?spref=tw
3. https://orientateenperillo.blogspot.com/2018/05/quero-ser-cientitica-as-profesions-nas.html?spref=tw

QUERO SER CIENTÍTICA!!

As profesións nas áreas STEM ( Science, Technology, Engineering, Arts and Mathematics ) teñen pouca representación de mulleres. Nos cortos deste coleccionable aparecen referentes femeninos para o fomento das vocacións científicas fomentando reforzar os estereotipos positivos sobre as mulleres nos ámbitos científico-técnicos e promovendo valores de igualdade de xénero.

Fonte: http://orientaguadalpin.blogspot.com/

LOITANDO POR ROMPER ESE TEITO DE CRISTAL

Esta semana estivo con nós Ariadna Fernández Palomo para falarnos sobre a "Muller e a Ciencia". A súa formación ten que ver tanto co mundo das ciencias como das letras. Estudou farmacia e periodismo. O seu campo de investigación son as fórmulas cosméticas con principios activos galegos. Cito textualmente que lle gusta moito a divulgación científica e despertar vocacións científicas, coa ilusión de que a ciencia mellore o noso mundo.

Empezou a súa exposición facendo entrega a cada alumno dun agasaio coa idea de preguntar ao final da sesión, cantos troques fixeran entre eles e así comprobar os estereotipos sexistas e prexuizos que temos.
A continuación preguntou ao noso alumnado se alguén coñecía a María Josefa Wonerbunger. Unha vez máis decatámonos con estupor, como unha brillante matemática nada en Montrove ( Oleiros ) non era coñecida por ninguén. Xa vedes, unha mostra máis, do duro que é saber como se sigue silenciando e enmudecendo as mulleres. 

Pero aínda é máis humillante saber que a  GRANDES MULLERES CIENTÍFICAS, se lles usurpase a autoría dos seus descubrimentos científicos, por mentores e parellas para evitar conflictos nunha sociedade, donde ata fai pouco estaba mal visto que a muller tivese educación e opinións propias. 

Ou non é verdade, que en moitas das familias decidían proporcionarlle formación e educación, ós fillos varóns, negándolles as mulleres esta posibilidade. Aínda é maís espantoso pensar nas dotes que as familias tiñan que pagar para casar as fillas. As mulleres como moeda de cambio.

Neste estracto da película de "Talentos Ocultos" ilústrase o que se acaba de mencionar.




A lista de mulleres é interminable. Algunhas delas están recollidas neste taboleiro nun documento elaborado polo Instituto Monte das Moas. Tamén aparecen varias presentacións, unha delas leva como título "Eu son coma ti" elaborada por Cristina  Corral Soilán , outra "Homenaxe a mulleres inventadas de todos os tempos" polo IES Monte das Moas e a terceira está elaborada polo Equipo de Igualdade e Diversidade do IES Politécnico de Vigo " Son feminista ". E por último un video que amosa 33 cousas que foron inventadas pola mulleres.

AS MULLERES CIENTÍFICAS

Sabías que o 11 de Febreiro foi declarado polas Nacións Unidas como o Día Internacional da Muller e a Ciencia?

Sabías que o 8 de Marzo é o día Internacional da Muller como recoñecemento da súa contribución á historia e como loita da igualdade co home. En algúns lugares ata é declarado como día festivo como é o caso da cidade de A Coruña.

Sabías que vai haber un wikimaraton entre o 6 ao 19 de febreiro para crear artigos na wikipedia sobre as mulleres do mundo da ciencia?

Sabías que vai haber un concurso en Twitter o mesmo sábado 11 para adiviñar a identidade de investigadoras sobre as que irán dando pistas o Instituto de Biomediciña e Biotecnoloxía de Cantabria?

Sabías que a Xunta de Galicia convoca un concurso de carteis que consiste en recoller unha mensaxe positiva sobre a participación activa das mulleres na sociedade, así como un lema en galego relacionado coa igualdade de xénero e a non discriminación (prazo ata o 17 de Febreiro )?

Sabías que só unha de cada cinco mozas de 15 anos quere adicarse a profesións técnicas?

Sabías que aínda que as mulleres acadan máis do 50% dos títulos universitarios, a súa presenza en carreiras como física e enxeñarías non chega ao 30%?

Sabías que aínda que moitas científicas estiveron involucradas en grandes descubrimentos, poucas persoas poderían nomear a unha investigadora que non fose Marie Curie? Velaquí tes un claro exemplo: 

Tamén podes ver este video dunha muller investigadora:



Se pensas que vale a pena loitar para visibilizar as mulleres científicas,  e así conseguir unha maior participación e empoderamento, aquí tes varias propostas, ademáis das anteriores: 

• Debuxar mulleres científicas
• Elaborar un guión con preguntas para entrevistar a mulleres científicas. Esta entrevista podería ser grabada en formato audio, video ou recollelo en produción escrita
• Elaboración dun comic ou historieta
• Investigar sobre algunha muller científica e redactar unha biografía.( Se premes aquí podes atopar algunha científica )
• Proyecto Iguala Extremadura: mulleres na historia : un reto colaborativo en mi centro

Ligazóns relacionados:
https://activatuneurona.wordpress.com/2017/02/08/concurso-del-dia-internacional-de-la-mujer-y-la-nina-en-la-ciencia/
https://twitter.com/IBBTEC?lang=es
ttps://www.youtube.com/watch?v=Dglfms-PpJ4
https://11defebrero.org/tag/csic/