NOVAS SOBRE A ABAU 2018

Neste taboleiro podedes consultar información relativa a:

• Parámetros de ponderación para o curso 2017/18
• Calendarios  sobre a ABAU e acceso á universidade
• Notas de corte e prazas que se ofertan en cada grao

MENTRES NON SON AS ABAU

PARABENS!!!! para todos os que rematastes  2º de Bacharelato . Agora queda dar un repaso a todo,  para ir ben preparado e sacar a máxima nota posible, sobre todo para os que tedes que ter unha cualificación alta para acceder ó grao universitario que queredes. Moita sorte!!! Mentras tanto, bota unha ollada a estas ligazóns,  por se podes atopar algo útil e algún consello práctico para as probas que che quedan por facer, así como axuda para o proceso de solicitude de praza na Universidade.

PARÁMETROS DE PONDERACIÓN DAS UNIVERSIDADES PÚBLICAS ESPAÑOLAS

Neste panel recóllense os parámetros de ponderación de case todas as Universidades Públicas do estado español. A fonte de información procede da orientadora Neli Aramendia que os ten publicados no seu blogue.

HORARIO DAS ABAU E ALGUNHA INFORMACIÓN MÁIS

O curso de 2º de Bacharelato está chegando ó seu fin. A CIUG vén de publicar o horario das novas probas de acceso á universidade e o procedemento de matrícula, segundo as diferentes situacións de cada alumno, como é o caso do noso Instituto, no referente a dobre titulación: bacharelato español e Baccaleuréat Francés e alumnado que está cursando por segunda vez 2º curso. 

CALENDARIO DAS ABAU E OUTRAS DATAS IMPORTANTES

Parece lóxico que despois de ter claro, cales son as materias obxecto de exame, das probas ABAU, tamén convén saber cal é o seu calendario e outras datas, no relativo, tanto a solicitude de prazas nos graos universitarios como matrícula.

E DESPOIS DUNHA LONGA ESPERA... XA PODEMOS CONTAR QUE É A ABAU (AVALIACIÓN DO BACHARELATO E ACCESO Á UNIVERSIDADE )

Hoxe mesmo estivo con nós, Pedro Armas, presidente da Comisión Interuniversitaria Galega ( CIUG ). Esta comisión ten,  entre os seus cometidos, organizar e deseñar as probas de acceso á universidade. 

Aínda que finalmente esta proba ( máis coñecida no seu día como reválida) non é condición para acadar o título de bacharelato, a implantación da LOMCE nesta etapa, supón unha serie de cambios, en relación as probas PAU ( selectividade ) de antes.

Antes de meterse de cheo a explicar a estructura e organización da ABAU, Pedro Armas, fixo fincape na garantía do anonimato das materias do examen, xa que non figura o nome do alumno no momento da realización e corrección, senón que vai asociado a un código. 

Tamén indicou, que case con total probabilidade, as probas extraordinarias de setembro se adiantarían a xuño para o alumnado de 2º Bacharelato, a partires do curso vindeiro.

Esta e a presentación pola que se guiou o relator para aclarar, como queda todo o relativo a ABAU, despois de tantas reviravoltas que CIUG, Consellería de Educación e representantes da Universidade lle deron a estas probas.

Con todo quedan algúns flecos pendentes de regular, e que no caso do noso centro a relevancia é a destacar:

1º Xa comentei nunha entrada anterior, que o noso IES é de referencia por ser un centro Plurilingüe en Francés e a maiores por ter implantado o Bachibac ( bachillerato no sistema educativo español e francés ), sendo o único na nosa Comunidade Autónoma con esta dobre titulación. É indiscutible que este alumnado ten competencias lingüísticas destacadas neste idioma, razón pola cal era unha materia da súa escolla, na fase obrigatoria, a pesares de ser cursada como segunda lingua estranxeira. Na orde que regula as probas para este curso, indica que ten que ser obrigatoriamente a PRIMEIRA LINGUA ESTRANXEIRA. En palabras de Pedro Armas indícase que probablemente esta situación cambiará, para poder arranxar esta casuística pola cal moitos alumnos do noso territorio galego, poderían verse afectados.

2º Tampouco se regula algo establecido polo governo central na disposición transitoria dunha orde do 22 de Decembro, segundo o cal un alumno repetidor que estivese a cursar materias do currículo LOE, estaría exento de presentarse a fase xeral destas probas e teríaselle en conta a súa media do bacharelato, para o acceso á universidade. En calquer caso, o alumnado no noso centro que se atopa nesta situación e case me atrevería a dicir o de todos centros de Galicia, están repetindo co currículo LOMCE. Este colectivo de alumnos, segundo información facilitada por Pedro Armas, non terían que presentarse a devandita parte da fase xeral e o que é máis, solicitaría praza nos distintos graos, con igual concorrencia competitiva cos demáis, sendo este proceso diferente noutras comunidades autónomas, xa que serían aspirantes a prazas despois de asignarlle praza o alumnado que non está a repetir e ten superada a ABAU.

Ligazón á normativa ABAU
Parámetros de ponderación
Ligazón ó Nerta
Calendario ABAU e outras datas de acceso á Universidade

A Universidade de Vigo tamén estivo no noso centro.

Despois das últimas novas, actualizo esta entrada publicada nunha data anterior. 

O pasado mércores 1 de Febreiro, estivo con nós Carmen Álvarez Veleiro, xefa do negociado do SIOPE (Servizo de Información e Orientación ó alumnado) representando á Universidade de Vigo. A charla estivo dirixida a 2º de Bacharelato. 

Como comentaba antes,  é un servizo de asesoramento,  e polo tanto,  parece lóxico que a charla debería de estar centrada en aspectos xerais,  como os graos que se ofertan nos tres campus universitarios ( Ourense, Vigo e Pontevedra), residencias, servizos que ofrece, e demais... sen embargo non foi así, por varias razóns:

- Sobra dicir, que o tema estrela deste ano é a reválida que ven a sustituir as antigas PAU ( selectividade ). O nome "bonito" é EBAU. Eu chamaríalle "e-vou" se non fora porque a estas alturas de curso, aínda non sabemos NADA DE NADA...

- O alumnado está inquedo, non sabe qué materias terán máis peso para optar aquel grao da súa primeira elección, non sabe qué tipo de examen vai facer e un etc, etc, etc.

- As familias tamén manifestan o seu malestar por esta situación e os que deberíamos saber algo para dar respostas, tampouco sabemos nada.

Ante todo esto, Carmen Álvarez, con moi bo criterio,  decidiu falarlles dese examen misterioso EBAU, que foi un BORRADOR. Dito doutra maneira: " des-orientar en fase beta". A día de hoxe xa podemos falar de como van ser esas probas porque a orde xa está tramitada para ser publicada en DOG. Así que grazas a Carmen,  enlazo esta presentación que elaborou, para que  vexades como queda finalmente.

Finalmente dicir, que un dos referentes do noso centro, é ser o único centro plurilingüe en Lingua Francesa, na nosa Comunidade Autónoma. Isto supón, que o noso alumnado, que ven cursando varias materias nesta lingua, ten  coñecementos neste idioma moi sólidos. Esta gran competencia lingüística permitíalles subir as cualificacións da parte xeral das anterior PAU, ó poder escollerse a segunda lingua estranxeira, como materia. Sen embargo, e sempre falando desa fase beta e tomando as directrices do que establece o governo central a través de BOE, esta situación parece que cambia. Así que o descontento do noso alumnado é por partida dobre.

Faltoume dicir antes, que Carmen fíxo entrega a todo o alumnado dun díptico coa oferta académica da universiadade de Vigo. Tampouco me podo esquecer de comentar, que houbo un grande interese polos alumnos e que o tempo foi escaso para intentar dar resposta a todas as inquedanzas que manifestaban. GRAZAS CARMEN!!!

Novas relacionadas:
Orde da Consellería para ser tramitada

Ligazón sobre a normativa estatal.
Carta de denuncia sobre o examen de historia na EVAU

HORARIO DAS PAU E LUGAR DE REALIZACIÓN

Ó Instituto Plurilingüe Xosé Neira Vilas correspóndelle examinarse na Facultade de Económicas do Campus de Elviña- A Coruña

PRIMEIRO DÍA: 11 DE XUÑO
MAÑÁN
9:00	Presentación
10:00	Lingua Castelá e Literatura
11:30	Descanso
12:15	Historia de España/Histora da Filosofía
13:45	Fin da sesión

PRIMEIRO DÍA: 11 DE XUÑO
TARDE
16:00	Lingua Galega e Literatura
17:30	Descanso
18:15	Lingua Estranxeira
19:45	Fin da sesión

SEGUNDO DÍA: 12 DE XUÑO
MAÑÁN
9:00	Matemáticas II/Grego II/Técnicas de Expresión Gráfico-Plásticas
10:30	Descanso
11:15	Ciencias da Terra e Ambientais/Literatura Universal/Deseño
12:45	Descanso
13:30	Química/Latín II/Debuxo Artístico II
15:00	Fin de la sesión

SEGUNDO DÍA: 12 DE XUÑO
TARDE
16:30	Bioloxía/Historia da Arte
18:00	Descanso
18:45	Electrotecnia/Matemáticas aplicadas ás Ciencias Sociais/Artes Escénicas
20:15	Fin da sesión

TERCEIRO DÍA: 13 DE XUÑO
MAÑÁN
9:00	Física/Xeografía/Análise Musical II
10:30	Descanso
11:15	Tecnoloxía Industrial II/Economía da Empresa
12:45	Descanso
13:30	Debuxo Técnico II/Historia da Música e da Danza
15:00	Fin da sesión

Podes atopar máis información se pinchas na seguinte imaxen