INFORMACIÓN ACADÉMICA EN 3º DE ESO 

O paso de 3º a 4º de ESO é clave para ir construíndo o teu proxecto de futuro. En certa maneira,  terás que albiscar máis alá da oferta de materias no próximo curso. Case a vista de paxaro, deberás ter en consideración as materias de bacharelato para elexir ben en 4º de ESO.

Require certa pericia e ter un horizonte de futuro. Por outra banda, avecíñanse cambios coa aplicación da LOMLOE, cando comeces o bacharelato.

TELEORIENTANDO CUN SEGUNDO VIDEO EN 3º DE ESO

Neste segundo video explicareiche a relación que teñen as materias de cuarto de ESO con cada modalidade de Bacharelato.

OLLO: Fíxate ben en como escolles en 4º de ESO,  porque dependendo de como o fagas estarás definindo un tipo de bacharelato.

Ponlle sentidiño e escolle con cabeza.

EMPEZANDO A TELEORIENTAR EN 3º DE ESO

Estar confinados nas nosas casas, non vai a ser un impedimento para ter a información que precisas, de cara a saber que facer en 4º de ESO.

Neste primeiro video, de duración non máis de 5 minutos, aprenderás cales son os dous itinerarios de 4º de ESO e as materias de cada unha destas opcións.

É un video interactivo. Cada certo tempo, detense para que contestes a diferentes preguntas, para comprobar o que aprendes. A vantaxe é,  que podes velo cantas veces queiras e mesmo podes darlle o play para diante e para atrás.

Estes son os deberes que terás que facer na plataforma de EDMODO. Terás unha semana de plazo de entrega. Neste recuncho que temos para comunicarnos, non dubides en preguntar calquer dúbida, preguntas ou  comentario. 

Para poder comprobar o que fixeches, envía capturas de pantalla a EDMODO, das preguntas que van aparecendo no video, despois de respondelas.

CAMIÑO DE 4º DE ESO

Do 2 ao 22 de maio, terás que facer entrega, dun documento sobre elección de materias para o vindeiro curso, ao teu titor/a. Esto permíteche dispoñer coa antelación, suficiente, da información que precisas para realizar unha axeita elección.

Aínda que non é VINCULANTE, sí será tida en conta para a oferta de materias optativas definitiva.

Esto está supeditado ás necesidades de organización do centro e outras medidas determinadas pola administración educativa como o mínimo legal de alumnos matriculados por materia ( 10 ALUMNOS en materias específicas ). Polo tanto, é IMPORTANTE que cubras este documento como se fose a matrícula definitiva.

Nestes días estarei nos distintos grupos para proporcionar información e orientación sobre este aspecto e outros que atoparedes na presentación. Se aínda así,  tes DÚBIDAS podes vir ao departamento de orientación para tratar de resolvelas.

RECORDA:  nos expositores e estanterías que hai diante do departamento de Orientación, tes moita información en formato papel. Nos andeis hai dípticos que podes coller, tanto da universidade como da formación profesional.

QUE DEBEN DE SABER OS ALUMNOS DE 3º DE ESO

Nestes días terás que facer entrega da pre-matrícula ao teu titor. Para facer eleccións correctas precisas saber algunha información que tes na presentación e que xa che expliquei nas aulas. Se aínda así,  tes dúbidas podes vir ao departamento de orientación para tratar de resolvelas.

RUMBO A 4º DE ESO

Xa estamos na recta final de 3º de ESO e enseguida vas ter que tomar decisións super-super importantes. Velaquí tes esta presentación para axudarche na complicada tarea de delimitar ben,  o camiño a seguir,  no próximo curso. Os puntos a tratar son:

• Opcións co título de 4º de ESO  
• Criterios de promoción a 4º de ESO
• Relación entre os itinerarios de 4º de ESO e as modalidades de bacharelato
• Materias prioritarias para cada modalidade
• Consellos prácticos para escoller en 4º de ESO
• Graos universitarios de cada rama de coñecemento
• Un exercicio práctico

QUE DEBE DE SABER O ALUMNADO DE 3º DE ESO SOBRE A LOMCE

ORGANIZACIÓN DAS MATERIAS DE TERCEIRO DA EDUCACIÓN SECUNDARIA SEGUNDO A   LOMCE

3º ESO
MATERIAS TRONCAIS		MATERIAS ESPECÍFICAS
Bioloxía e Xeoloxía Física e Química Xeografía e Historia Lingua Castelá e Literatura Matemáticas Académicas/Aplicadas Primeira Lingua Estranxeira		Educación Física Relixión/ Valores Éticos Educación Plástica e Visual Música Tecnoloxía Segunda Lingua Estranxeira/Cultura Clásica Titoría
MATERIAS DE LIBRE CONFIGURACIÓN AUTONÓMICA
Lingua Galega e Literatura Materia de libre configuración ofertada polo centro

LIGAZÓNS DIRECTOS ao currículum de cada materia de ESO LOMCE (publicados no portal da Consellería):

Materias troncais

• Bioloxía e Xeoloxía
• Ciencias Aplicadas á Actividade Profesional
• Economía
• Filosofía
• Física e Química
• Iniciación á Actividade Emprendedora e Empresarial
• Latín
• Lingua Castelá e Literatura
• Matemáticas
• Matemáticas Orientadas ás Ensinanzas Académicas
• Matemáticas Orientadas ás Ensinanzas Aplicadas
• Primeira Lingua Estranxeira
• Tecnoloxía
• Xeografía e Historia

Materias específicas

• Artes Escénicas e Danza
• Cultura Científica
• Cultura Clásica
• Educación Física
• Educación Plástica, Visual e Audiovisual
• Filosofía
• Música
• Segunda Lingua Estranxeira
• Tecnoloxía
• Tecnoloxías da Información e da Comunicación
• Valores Éticos

Materias de libre configuración autonómica

• Lingua Galega e Literatura

Materias de libre configuración autonómica de elección para os centros docentes en educación secundaria obrigatoria

• Educación Financeira
• Investigación e Tratamento da Información
• Oratoria
• Paisaxe e Sustentabilidade
• Programación
• Promoción de Estilos de Vida Saudables
• Xadrez

Lexislación que regula a distribución das materias neste curso:

• DECRETO 86/2015, do 25 de xuño, polo que se establece o currículo de educación secundaria obrigatoria e do bacharelato na Comunidade Autónoma de Galicia
• Orde do 15 de Xullo de 2015 pola que se establece a relación de materias de libre configuración autonómica de elección para os centros docentes nas etapas de educación secundaria obrigatoria e bacharelato.
• Resolución do 27 de xullo de 2015, da Dirección Xeral de Educación, Formación Profesional e Innovación Educativa, pola que se ditan instrucións no curso académico 2015-2016 para a implantación do currículo da educación secundaria obrigatoria e do bacharelato nos centros docentes da Comunidade Autónoma de Galicia.
• RESOLUCIÓN do 15 de xullo de 2016, da Dirección Xeral de Educación,Formación Profesional e Innovación Educativa, pola que se ditan instruciónspara a implantación, no curso académico 2016/17, do currículo establecidono Decreto 86/2015, do 25 de xuño, da educación secundaria obrigatoria e dobacharelato nos centros docentes da Comunidade Autónoma de Galicia.
• RESOLUCIÓN do 20 de xullo de 2017, da Dirección Xeral de Educación,Formación Profesional e Innovación Educativa, pola que se ditan instruciónspara o desenvolvemento, no curso académico 2017/18, do currículo establecidono Decreto 86/2015, do 25 de xuño, da educación secundaria obrigatoria e dobacharelato nos centros docentes da Comunidade Autónoma de Galicia.
• RESOLUCIÓN do 11 de maio de 2018, da Dirección Xeral de Educación,Formación Profesional e Innovación Educativa, pola que se ditan instruciónspara o desenvolvemento, no curso académico 2018/19, do currículo establecidono Decreto 86/2015, do 25 de xuño, da educación secundaria obrigatoria e dobacharelato nos centros docentes da Comunidade Autónoma de Galicia.
• Resolución do 29 de maio de 2019, da Dirección Xeral de Formación Profesional e Innovación Educativa, pola que se ditan instruccións para o desenvolvemento, no curso académico 2019/20, do currículo establecido no Decreto 86/2015, do 25 de Xuño, da educación secundaria obrigatoria e do bacharelato nos centros docentes da Comunidade Autoónom a de Galicia.

• Instrucións do 30 de xullo 2020, da Dirección Xeral de Educación, Formación Profesional e Innovación Educativa, en relación ás medidas educativas que se deben adoptar no curso académico 2020/2021, nos centros docentes da Comunidade Autónoma de Galicia nos que se imparten as ensinanzas da educación infantil, da educación primaria, da educación secundaria obrigatoria e do bacharelato.

• RESOLUCIÓN do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021/22.

ORIENTACIÓN VOCACIONAL 3º ESO