CANDO PASE A 3º DE ESO TEÑO QUE SABER ESTO
Xa non queda case nada para que remate o curso. Tanto é así, que antes de mañán tes que entregar un documento de pre-matrícula no que aparece a relación de materias fixas que vas a cursar en 3º e outras que deberás de escoller con sentidiño. Falo das matemáticas aplicadas e académicas. Estes son os consellos que che daría:
- As dúas teñen un temario case igual, é dicir os temas son os mesmos pero o nivel de dificultade e profundización é maior no caso das académicas.
- Se tes pensado continuar no Bacharelato é máis aconsellable cursar as académicas.
- Se o teu caso é facer un ciclo de FP despois da ESO chega con cursar as outras. Recorda que dende a FP tamén podes chegar a cursar estudos universitarios, se lle pos ganas.
- Con todo, se non tes graves dificultades para superalas ou non che supoñen un atranco escolle as académicas.
- Cando chegues a cuarto vas atopar dous itinerarios: ensinanzas académicas e aplicadas. O primeiro deles é para cusar o Bacharelato e o segundo para a Formación Profesional. Nembargantes o título da ESO é igual para todos e tampouco é vinculante. É dicir ti decides...
- Tamén é interesante que revises o que xa che expliquei na clase sobre esa folla de ruta a seguir. Precisas ver, ata donde podes chegar vendo as distintas opcións educativas para ir delimitando que camiño queres seguir.
