VARIOS EX-ALUMNOS COMPARTEN AS SÚAS EXPERIENCIAS COMO UNIVERSITARIOS

Pablo Forján, Miguel Pérez e Mateo García foron alumnos do noso centro, ata o curso pasado. Este ano están a cursar o seu primeiro curso na universidade. Non cabe dúbida, que a súas experiencias teñen un valor incalculable para o alumnado que en pouco tempo estará iniciando a mesma folla de ruta. 

De cando en vez, voltan ó Instituto para recoller o título e nalgún caso para recordar vellos tempos. Así foi como estes tres alumnos, e por iniciativa deles me dixeron que lle gustaría compartir as súas vivencias co alumnado do Instituto. Os escollidos foron as alumnas e alumnos de 1º de Bacharelato e estiveron con nós onte, día 3 de maio.

Prepararon unha presentación como guión para falarlles de:

- A transición entre o Instituto e a Universidade

- A importancia das rutinas e os hábitos na univesidade

- Facer a matrícula de 2º de Bacharelato tendo en conta os parámetros de ponderación

- Perder o medo ás ABAU

- Créditos na universidade

- Ventaxas e inconvintes de estudar preto de casa ou noutra cidade distinta

- Diferencias entre vivir nun piso compartido ou nunha residencia

- Horarios académicos distintos segundo o día da semana, na universidade

- Socialización e ocio

 CALENDARIO ABAU 

Datas que é convinte saber para andar a tempo. Non chega só con saber cales son os días das ABAU. Hai outras que hai que telas na cabeza para non perder prazos. Mira este calendario para este meses.

I FEIRA DE ORIENTACIÓN ACADÉMICA E PROFESIONAL NO CONCELLO DE OLEIROS 

O pasado venres día 25 de marzo, tivo lugar esta feira. Estes eventos son de especial relevancia para a  labor das orientadores e orientadores dos centros educativos dándolle pulo a orientación vocacional. 

Son oportunidades para que o alumnado se achegue ós stands, e ter información de primeira man, sobre as diferentes opcións académicas e profesionais. 

A organización desta feira empezou no mes de decembro, con varias reunións entres as orientadoras dos tres institutos do Concello de Oleiros, a concelleira de educación e personal da Casa da Mocidade.

Estas xornadas foron a porta cerrada en horario de mañán para o alumnado de 4º de ESO e xa pola tarde estiveron abertas a todo o público.

O abano de participantes foi bastante amplo. Houbo presenza, entre outros  de:

• Universidade pública e privada
• Formación Profesional
• Escola de Pilotos
• Escola de Tripulantes de Cabina
• As Forzas Armadas
• Federación de Salvamento e Socorrismo de Galicia

 EDUREFERENTES FEMININAS EN GALICIA

O noso centro foi un dos seleccionados para participar no programa educativo "Edureferentes" ofertado pola Consellería de Educación. 

A igualdade de oportunidades entre homes e mulleres,  é tamén un dos cometidos da orientación vocacional. Achegar referentes femininos que exercen a súa actividade profesional en distintos ámbitos, axuda a construir unha sociedade máis xusta, igualitaria e libre de estereotipo de xéneros.

Sonia Pazos e Asunción Fieira foron as dúas mulleres referentes que estiveron con nós. Forman parte da Asociación de Executivas de Galicia. A charla estivo dirixida ó alumnado de 2º de Bacharelato.