martes, 24 de marzo de 2020

POÑER NOME Ó QUE ME PASA




Nestes días tan difíciles que nos toca vivir é normal experimentar sentimentos e emocións que nos producen desacougo, malestar, medo, ansiedade. Pois ben, empezando por esta última que estou segura que a escoitaches algunha vez,  o primeiro que debemos de saber é como a definen os psicólogos, que son os profesionais que tratan de mantela á raia:

A ansiedade é unha resposta do noso organismo que se activa cando detectamos un perigo. Póñoche un exemplo para que o entendas mellor:

Imaxina a un home da prehistoria, vestido con peles e camiñando encorvado. De súpeto ve un león. Sen nin siquiera darlle tempo a pensalo, todo o seu corpo se tensa, os latidos do corazón aceléranse, a respiración tamén é moi apurada, empeza a sudar. Todos estos síntomas responden ó que é a ansiedade, pero sen embargo axúdanlle a tomar unha decisión de loitar ou huir para escapar do perigo. A esto chámase supervivencia. Dito así, diríase que neste caso esta reacción de medo ou ansiedade foi necesaria e útil.

Conclusión: Gracias á ansiedade, estamos aquí ti e máis eu porque se este home, que forma parte dos nosos antepasados, se quedase paralizado non estaríamos vivindo neste planeta.

Sen embargo, non sempre é útil. Todo na súa xusta medida. Pode deixar de ser unha alidada e converterse nunha mala compañeira de viaxe, cando se activa ante perigos que non son reais, ou nos que a probabilidade é moi baixa. Dígocho con outro exemplo:

Dous amigos Miguel e Pablo están desexando saber a nota de Matemáticas. Adicáronlle moito tempo porque no examen anterior teñen unha nota baixa e necesitan sacar polo menos un 7 para conseguir aprobar a avaliación. Esta materia non é das súas favoritas e incluso foron xuntos á clases particulares porque non lentenden as explicacións na clase. Cando o profesor lles dá as notas, ningún dos dous consigue aprobar. Ao rematar a clase é a hora do lecer. Miguel en vez de quedar cos seus amigos ,coma tódolos días, vaise  só, por detrás do Instituto, nun sitio apartado, non quere que os demáis o vexan chorando. Polo contrario, Pablo, queda cos seus amigos de sempre, fala con eles, danlle consellos e pouco a pouco consigue olvidarse, sentíndose moito mellor.

Conclusión: A diferencia está nos pensamentos que tiveron Miguel e Juan. No caso de Miguel puido pensar " nunca aprobarei as Mates" "non sirvo para estudar"... No caso de Pablo seguramente pensou " é só un examen" " haberá máis oportunidades"...

Vedes que a situación é a mesma para os dous amigos.  Sen embargo a emoción sentida foi diferente. No caso de Miguel sentiuse triste, abatido, angustiado.

Esto se o aplicamos á situación que estamos vivir nesta cuarentena é semellante. Todas os que vivimos neste mundo mundial estamos pasando polo mesmo, pero reacionamos de maneira diferente.

O truco está en pisar o pé do  freno e non apretar o pé do acelerador para evitar accidentes e fracturas que nos poden provocar moitas doenzas mentais. En todos os casos, estes pensamentos do tipo que tiña Miguel, son irracionais. 
  • Non teñen lóxica, nin sentido.
  • Son automáticos. Véñense á cabeza sen darnos conta. É complicado poñer control sobre eles
  • Non son útiles
  • Producen emocións moi fortes.
  • Normalmente expresamalos con absoluta seguridade. Probabilidade dun 100% " "Son un zoquete"
  • Non están baseados en evidencias, cousas demostrables. Os científicos formulan hipóteses, reúnen datos e probas, e no caso de que se confirmen mantéñense e se non descártanse.
Como podemos mantelos a raia?
  • Colle un lápiz e papel e anota todos estos pensamentos irracionais, intrusivos, tóxicos, venenosos. Axúdate das etiquetas que lles puxen para identificalos
  • Unha vez que os teñas anotados pensa en pensamentos alternativos que se adapten mellor  á realidade.
Algúns exemplos de pensamentos ilóxicos en relación ó coronavirus

  • Seguro que me infecto co Covid-19 ( eu e os meus familiares ): Fíxate outra vez nas etiquetas:
    • Prodúcenme emocións moi intensas de ansiedade e preocupación e non teño control sobre esto
    • Non é un pensamento útil. Poden bloquearme e levarme a realizar condutas que son contrapoducentes dende ver moitas noticias relacionadas con esto, facer caso de todos os bulos que circulan polas redes sociais, mirar síntomas en internet, querer comprar medicamentos en exceso. Esto non me axuda a coidarme, nen tampouo ós que están comigo.
    • Somos moi radicais na linguaxe que utilizamos. Facemos aseveracións xerais e de absoluta seguridade. " Existe un 100% de probabilidade de que me infecte porque os meus pais traballan no CHUAC". Ademáis tamén pensaremos que si nos contaxiamos nós ou os nosos pais, a sintomatoloxía será moi perigosa porque xa morreu unha enfermeira no País Vasco.
  • Qué pensamentos alternativos poderíamos adoptar?
    • Si non presento síntomas é  moi pouco probable que eu ou alguén da miña familia teña o virus.
    • Non me fixeron as probas polo tanto non podo sabelo.
    • Non teño síntomas e non coñezo ningún contaxiado no meu círculo máis cercano.
    • Se tomo as medidas de precuación, non nos vamos a infectar
    • Un só síntoma, como por exemplo a febre non quere dicir que me vaia a infectar
    • Se en última instancia dou positivo no test non quere dicir que sexa mortal.
  • Outras medidas para  autocontrolarte
    • Nada máis levantarte pensa en algo positivo: foi emocionante ver aplaudir á xente nos balcóns. Hoxe teño que acordarme de saír á ventana ás 8 da tarde. Vou facer un arco da vella para poñer nos cristais. #EstamosTodosNesto .Vou facer unha videochamada cos meus amig@s.
    • Se de cando en vez chegan á túa cabeza pensamentos que che producen malestar, párate uns segundos e fai algo para deter ese pensamento. Por exemplo, dar un pequeno golpe na cabeza, apretar os puños... apretar os ollos...
    • Podes tamén poñer posits de cores na túa habitación, mesa de estudo, nevera... con bromas, a infografía que está neste blog con cousas para manter a raia o coronavirus.
    • Outro exercicio que podes proba a facer é debuxar a curva da ansiedade, actividade proposta pola orientadora Rebeca no seu blog.  Fixate na ilustración:



Tamén quero que saibas, que todo esto que podes sentir, pásanos a todos os seres humanos. Ti non eres un bicho raro. 

Ata a túa familia pode experimentar estes medos. Só que ahora xa xogas con vantaxe, xa estás preparado para entendelos e ten en conta que incluso ás veces estes medos poden desencadear irritabilidade  rabia, e desesperación nestes días de tanta inseguridade e incertidumbre. Perdemos o control e a cabeza, que é ese comandante xeral, está fora de xogo. Estar na casa tantas horas xuntos, pode xerar roces  cos irmán, cos teus pais ou outros familiares. 

Por todo esto, se observas na casa algunha destas emocións, ten paciencia sobre todo cando haxa situacións de tensión. Mantente á marxe e busca o momento en que a situación se calme para xestionalo emocionalmente.

As persoas podemos compararnos coas árbores. Precisamos unhas raíces moi fortes para sobrevivir aos golpes do vento, das tormentas....( o coronavirus é unha delas ). Para fortalecer estas raíces temos que axudarnos uns os outros. Recorda #EstamosTodosNesto

Póñoche outra metáfora:

Xa sabes como son os cactus, están cheos de pinchos... e cando te achegas a eles ainda pinchan máis. Pois esto é o que nos pasa a moitos de nós e non nos damos conta de que pinchamos e pinchamos...

Non quero acabar, sen dicirche o importante que son as rutinas para manternos sans e fortes psíquicamente. Apórtannos sentido e seguridade ás nosas vidas e ainda máis se cabe nestes días. Insisto volve a darlle un vistazo á infografía que preparei para ti, por se aínda non a tes en ningún post. 

Fonte de consulta utilizada.

Este material  está elaborado por un grupo de psicólogas e poñen a disposición as súas contas de instagram para resolver calquer dúbida.




lunes, 23 de marzo de 2020

Á RAIA CO CORONA VIRUS

Ante esta situación inédita, inesperada e de incertidumbre, trata de poñer en práctica esto que ves... porque a vida sigue.... Todos estamos un pouco DESCOLOCADOSSSS e confundidos pero todos estamos nesto.



domingo, 22 de marzo de 2020

O DEPARTAMENTO DE ORIENTACIÓN SEGUE ESTANDO CON VÓS DENDE A CASA

Lamentablemente, hoxe levantámonos coa xa esperada noticia, de que temos que seguir en confinamento polo menos outros 15 días máis, á espera de que a Consellería de Educación nos manden instrucións, como así o fixo para estes primeiros 14 días. Poden vostedes consultalas aquí.

Quixera recordarlles que nunha publicación anterior se indicaban algunhas recomendacións para afrontar esta cuarentena nas nosas casas. Esta entrada irá actualizándose con máis materiais. Algúnhas merecen unha consideración especial, como é o caso das proporcionadas polo Colexio Oficial de Psicoloxía de Galicia. Son consellos de tipo emocional e anímico para saber como abordar situacións de convivencia, nos nosos fogares e que en definitiva, teñen que ver coa nosa saúde psíquica. 

No relativo a cuestións académicas, tamén saberán polos medios de comunicación  que as probas ABAU ou selectividade queda aplazada. Máis é probable que moitos de vostedes non tiveran acceso á información oficial da CIUG ( Comisión Interuniversitaria  Galega que organiza estas probas ). Neste outro documento publicado recientemente polo Ministerio, establece que se adoptarán as medidas para que ningún estudante perda o curso pola suspensión das clases presenciais. En relación ás ABAU aclara esto:




Outra cuestión non menos importante, é a relativa ós prazos administrativos. Como moitos de vós sabedes , o proceso de admisión para solicitar praza, noutros  centros educativos,   remataba  o día 20 deste mes. As instrucións que se citan anteriormente, recollen que este prazo finalizará unha semana despois do reinicio das clases.

Tamén quixera convidalos,  a que nestes días de encerro, consulten este blog de cando en vez,  por se houbesen novas. As tecnoloxías, nestes momentos, son un gran aliado para estar en contacto permanente. En relación a esto, rogaríalles que se saben dalgunha familia que non ten conexión a Internet, o Ministerio de Educación, empeza dende mañán cunha programamacion especial de clases na tele. Como sempre, as persoas con menos recursos, son as máis vulnerables e o aillamento ó que nos somete esta pandemia non é alleo a esta situación

E xa para rematar, e como persoa responsable do Departamento de Orientación do Instituto, quero facilitarvos os correos electrónicos dos dous profesores de apoio de Pedagoxía Terapéutica e o meu. Non dubidedes en poñervos en contacto con calquera de nós. Estamos á vosa disposición para calquera cousa na que poidamos axudarvos. Estamos na casa, pero en coordinación entre nós como departamento, e tamén co resto do equipo docente, mediante medios telemáticos. 

  • Pilar Morandeira Roel (profesora de Pedagoxía Terapéutica ):pilarmorandeira@edu.xunta.es
  • David Dieguez Souto (profesor de Pedagoxía Terapéutica ): david.dieguez@edu.xunta.es
  • Lourdes Otero Rodríguez ( Orientadora ): otero@edu.xunta.es

CLASES NA TELEVISIÓN


Se non estás a facer o teletraballo que che indican os profes porque  non tes conexión á Internet ou a rede vai lenta, #NonTeQuedesQuieto, sen facer nada. Segue o televexo para estar ó día coas materias:


  • O Ministerio de Educación ten programación de luns a venres, con clases para que non te quedes atrás e teñas as mesmas oportunidades que os que están conectados cos profes.
  • A TVGA tamén emitirá de luns a venres entre as 11:00 e as 13:00 horas diferentes contidos  relacionados con Xeoloxía, Bioloxía, Xeografía e Historia...


O horario en Clan TV e na 2 de TVE  é este: 



Para estas emisións diarias, tiveron en conta as recomendacióms dos equipos técnicos que forman parte das editoriais da maioría dos libros que tedes na casa. Así que pon as pilas para non estar a medio gas, cando haxa que volver ó Instituto...

Páxina web do Ministerio, con máis información :

http://www.educacionyfp.gob.es/prensa/actualidad/2020/03/20200321-mefprtve.html

lunes, 16 de marzo de 2020

QUEDARSE NA CASA PARA AFRONTAR O CORONAVIRUS

******Ultima actualización 22/3/2020

ALGÚNS CONSELLOS ÚTILES



- Facerlles entender a situación:
  • Explicarlles o que pasa dicíndolles a verdade no nivel de profundidade que poden comprender pola súa idade, sen alarmismos
  • Para mitigar a ansiedade, hai que evitar  estar todo o día falando sobre o asunto e sobre todo non dar credibilidade ás noticias que non sexan de procedencia oficial.

- Convencelos de que se teñen que quedar na casa:
  • Nestes días foron masivas as mensaxes que se transmitiron, tanto nos medios oficiais como en redes sociais sobre o movemento #YoMeQuedoEnCasa
  • Que sexan conscientes da súa corresponsabilidade e reforzala coa idea de que é unha simple batalla que gañaremos entre todos.
  • Deben de comprender que se trata dun sacrificio que terá unha recompensa da que todos nos alegraremos posto que está contribuíndo ó benestar de tod@s.
  • Participar cada día no aplauso compartido ós sanitarios para que se sintan que forman parte de algo colectivo e transcendente. A iniciativa popular arco iris que xorde baixo o hastag #desdemiventana para facer máis levadeira a cuarentena, estase a levar a cabo noutros países e tamén chegou ao noso. A idea é que os máis pequenos e non tan pequenos realicen un arco da vella como lema de TODO IRÁ BEN e colocalo nas fiestras.

- Manterse ocupados na casa:
  • Manter o horario habitual e os períodos de dormir e vixilia ó máis parecido posible ós habituais.
  • Programar actividades variadas e cambiantes para non se saturar con ningunha, sobre todo evitar a sobreexposición ás pantallas ( a sabendas de que axuda a matar o tempo nestes días ). Aplicar o sentido común: non debemos de esquecer que precisan de estar en contacto cos seus amigos e amigas e o único canal é a través da tecnoloxía. 
  • Facer actividades físicas compartidas en familia, como bailar seguindo coreografías ou táboas de exercicios. A nosa xefa de departamento de Educación Física recoméndanos que quedarse na casa non quere dicir non moverse.
  • Actividades culturais:
  • Fomentar a creatividade e aproveitar para facer actividades artísticas e inventar obxectos, xogos e actividades.
  • Realizar actividades de relaxación e meditación. É un bo momento para inicialos nestas prácticas diarias que teñen tantos beneficios. Existen moitos videos de meditación guiada en Internet.
  • Lecturas de interese, sós ou en compañía. 
    • Existen varias contas de Instagram de clubs de lectura. Unha delas é el clubdelecturaconbrillibrilli . O seu lema é " leer es de guapas". Cada dúas semanas propoñen un libro novo para comentar. Trátase dun club virtual de animación á lectura.
    • Libros gratuitos. 
      • Hai posibilidade de acceder ó fondo de libros ebooks das bibliotecas españolas. 
      • Algúns autores, como o debuxante de comics El Torres ou os autores de El Bosque subiron todos os seus libros/comics gratis para poder disfrutalos.
- Non perder o fío dos estudos:
  • Procurar manter no día a día o repaso das tarefas escolares. A este respecto, xa se facilitaron explicacións na páxina web do Instituto " pautas para o teletraballo escolar " e no apartado de calendario de exames e tarefas tamén hai indicacións de cada materia.
  • Fomentar a responsabilidade do estudante coa entrega en tempo e forma das tarefas que o seu profesorado considere.
Ligazóns recomendadas: 

Hecho con Padlet

lunes, 2 de marzo de 2020

ACHÉGASE O 8 DE MARZO: DÍA INTERNACIONAL DAS MULLERES

Son varias as propostas, que se veñen recollendo nesta bitácora, dende fai varios cursos. É labor dos centros educativos, conmemorar esta data para visibilizar as inxustizas que padecen as mulleres e que aínda a día de hoxe, seguen sendo unha lacra na nosa sociedade. 

Como exemplo de actividades a traballar co alumnado para promover a construción de sociedades máis xustas, éstas son algunhas:
  • Actividade 1: Liña do tempo coas principais conquistas e feitos do movemento feminista e das mulleres
  • Actividade 2: Análise da publicidade sexista, convidando ó alumnado a facer o traballo de críticos.
  • Actividade 3: As nosas referentes, valorando as mulleres da nosa contorna que nos aportan valores engadidos no día a día.
  • Actividade 4: Cartografía do machismo identificando os lugares, símbolos, tipos de machismo.
Estas e outras actividades, son as que podedes atopar, máis desenvolvidas nos materiais que se mostran máis abaixo.

Nestas ligazóns tamén se pode consultar, o traballo de anos anteriores:

  1. https://orientateenperillo.blogspot.com/2018/03/loitando-por-romper-ese-teito-de.html?spref=tw
  2. https://orientateenperillo.blogspot.com/2018/01/as-mulleres-cientificas-sabias-que-o-11.html?spref=tw
  3. https://orientateenperillo.blogspot.com/2018/05/quero-ser-cientitica-as-profesions-nas.html?spref=tw

viernes, 28 de febrero de 2020

AXUDAS PARA A REALIZACIÓN DE ACTIVIDADES  EN LINGUAS ESTRANXEIRAS 2020

A Consellería de Educación ven de publicar a orde pola cal se conceden axudas para realizar actividades de inmersión lingüística, tanto na nosa Comunidade Autónoma como nos países de:
  • Francia*
  • Portugal*
  • Canadá*
  • Reino Unido*
* Só para alumnado que curse Bacharelato no curso vindeiro.

IMPORTANTE: o alumnado que para o curso que ven inicie  1º ou 2º de Bacharelato, pode solicitar unha actividade de integración ( en familia ou residencia máis centro educativo ) fóra de España, durante tres ou catro semanas a principios do curso 2020/21.

lunes, 24 de febrero de 2020

VIDEO EXPLICATIVO DA SELECTIVIDADE EN GALICIA


A CIUG ( Comisión interuniversitaria Galega) encargada da organización das ABAU e o proceso de acceso á universidade, crea este video para explicar:
  • características fundamentais das probas
  • etiquetas identificativas e a súa colocación nos caderniños de cada exame.
  • datas e horarios
  • comisións donde se realizas as probas
  • prohibición de usos de dispositivos móviles e reloxos intelixentes.

domingo, 23 de febrero de 2020

NANOCIENCIA E NANOTECNOLOXÍA: UNHA NOVA TITULACIÓN DA UDC


Nunha publicación anterior xa fixen unha breve reseña deste grao. En Decembro, asistín a unha xornada da Universidade da Coruña, na cal se nos presentaban as novidades, de cara o curso vindeiro, sendo ésta unha delas. 

Nesta xuntanza estaba Moisés Canle, profesor da UDC,  presentando este novo grao. Esta foi a razón de invitalo ó noso centro, o pasado mércores día 19 de febreiro, para dar a  coñecer ó alumnado de bacharelato esta nova titulación, que dará comenzo o curso vindeiro. 

O relator empezou a súa disertación, explicando que ao longo da historia podemos atopar exemplos de aplicacións nanotecnolóxicas. As vidrieiras da idade media é unha mostra de que modificando as propiedades dos cristais a tamaños de nanoparticulas, consigues variar a súa cor. É dicir, que os artesanos estaban facendo nanociencia sen sabelo.

Se entendín ben o que é unha nanopartícula, o seu diámetro sería máis pequeno que o grosor dun pelo.


O estudo e a investigación neste campo, en palabras de Moises, ten moitas aplicacións, e algunhas son insospeitadas de cara ó futuro. Referido ao campo da biomedicina,  nos falou das máquinas moleculares, e mesmo nos amosou un video, para comprender o seu funcionamento e descubrir as sorprendentes posibilidades que isto pode ter, para paliar as deficiencias de mobilidade nos seres humanos.

Tamén nos amosou datos sobre o número de empresas nanotecnolóxicas creadas en España nos últimos anos. As microempresas con menos de dez traballadores son as que teñen máis cota de mercado.

Nesta titulación ofertaránse 50 plazas. Está pendente de ser validada pola axencia ANECA. A CIUG xa publicou as materias que ponderaban para este grao: 
  • Bioloxía ( 0,2 )
  • Física ( 0,2 )
  • Matemáticas ( 0,2 )
  • Química ( 0,2 )
  • Xeoloxía ( 0,1 )

lunes, 10 de febrero de 2020

UNHA PRIMEIRA TOMA DE CONTACTO COA UNIVERSIDADE DE SANTIAGO


Xa é o terceiro ano que o noso alumnado de 1º de Bacharelato visita os distintos centros universitarios da USC  ( antes chamados facultades). Asistimos un total de 37 alumnos e 3 profesores, o pasado xoves 6 de Febreiro. 

Cada un dos alumnos escolleu un itinerario da súa preferencia.Cada un destes percorridos
permite ver dous centros universitarios. 

Este ano quixen estar cos alumnos que escolleron visitar a facultade de Psicoloxía e Ciencias da Educación. 

En Psicoloxía recibiunos a vicedecana no salón de actos. Fixo a presentación destes estudos, destacando os seguintes aspectos:
  • Trátase dunha ciencia que estuda mediante o método científico, a forma en que as persoas peciben, senten, pensan e actúan. Tamén se podería definir como a ciencia que estuda a conduta.
  • Nos dous primeiros anos estúdanse os procesos psicolóxicos básicos: atención, percepción, memoria...
  • No plan de estudos hai materias relacionadas coa bioloxía e as matemáticas.
  • Os ámbitos de actuación son tres:
    • Psicoloxía social situada no eido das empresas dentro dos departamentos de recursos humanos e tamén facendo intervencións en problemáticas sociais. Tamén chamada Psicoloxía do traballo e as Organizacións que se ocupa do desenvolvemento persoal e profesional dos traballadores e a xestión de recursos humanos.
    • Psicoloxía da educación estuda o desenvolvemento do ser humano e as distintas etapas evolutivas para poder optimizar e previr disfuncións da aprendizaxe e o desenvolvemento psicolóxico.
    • Psicoloxía clínica para intervir en problemas de saúde mental. Avaliación, diagnóstico, tratamento e prevención que afectan á saúde mental e á conducta adaptativa, en condicións que podan xerar malestar subxectivo e sufrimento dos individuos. Existe a figura do PIR ( Psicólogo interno residente ) para obter o título de psicólogo clínico. Convócanse oposicións a nivel estatal para optar a esta titulación. Na última convocatoria sacaron 120 prazas para toda España.
  • Actualmente na facultade de psicoloxía hai tres unidades de investigación e asistencia:
    • Unha delas está dirixida ao deporte prestando servizos en federacións deportivas.
    • Outra delas está enfocada no tabaquismo e trastornos adictivos.
    • A terceira está enfocada en temas de violencia de xénero.
  • Tamén hai o GIPCE, grupo de intervención psicolóxica en catastrofes e emerxencias. Este grupo foi de vital importancia no accidente ferroviario de Angrois.
  • E xa por último indiciou que afortunadamente, trátase dun profesional que está máis presente na sociedade ca fai uns anos. 
Posteriormente visitamos un laboratorio, algunha aula e o museo de psicoloxía ( único en España ).



A medida que nos foron amosando as instalacións, tamén nos respostaron a  algunhas das dúbidas e preguntas que os estudantes de novo ingreso acostuman a plantexar:
  • Impedimentos cando un alumno non cursa o bacharelato de Ciencias: para os alumnos que non cursaron Bioloxía, o profesorado facilita material complementario e adicional para cubrir esta falta de coñecementos.
  • En bioloxía estúdanse as bases biolóxicas do Sistema Nervioso Central para coñecer a relación entre conduta e cerebro. Poderíamos dicir que o cerebro é o noso comandante xeral. No laboratorio hai maquetas para coñecer as distintas estructuras cerebrales. Déronnos a coñecer unha ferramenta online que facilita o seu estudo http://www.g2conline.or
  • As matemáticas que se cursan en Psicoloxía non son excesivamente complicadas
  • Os exámenes son de tipo test, agás nas materias relaciondas coas Matemáticas.
E xa por último fomos recibidos por profesores de Ciencias da Educación que comprenden:
  • Mestres nas diferentes especialidades que están ubicados no campus norte
  • Pedagoxía que está no campus sur ( no edificio pegado a psicoloxía ). Disciplina que estuda os proceso de cambio, mellora e innovación das persoas e institucións, dentro do sistema educativo e organización comunitaria e laboral
  • Educación Social: estes profesionales traballan con colectivos de exclusión social, grupos máis vulnerables con adicions, vitimas de violencia de xénero, persoas maiores e dependentes. Desenvolven a súa labor en ONGs, concellos, asociacions, centros de día...


sábado, 8 de febrero de 2020

PROBAS DE ACCESO Á CICLOS FORMATIVOS SUPERIORES

Este luns día 10 de Febreiro empezó o prazo para inscribirse estas probas. Lembra que si consigues superar estas probas, poderás acceder a un 10 % das plazas que se oferten en cada ciclo formativo. 
Pincha para no panel para saber máissss.

PROBAS DE ACCESO Á CICLOS FORMATIVOS DE GRAO MEDIO


Como cada ano, a Consellería de Educación convoca unhas probas para poder acceder ós ciclos de grao medio sen ter o título de Graduado na ESO

É importante que saibas, que das prazas ofertadas para cada ciclo formativo de grao medio, resérvase un 10% das prazas ofertadas.

Clica nos distintos apartados para acceder a toda a información

viernes, 7 de febrero de 2020

NON TE QUEDES CON NINGUNHA DÚBIDA SOBRE O ACCESO Á UNIVERSIDADE E AS PROBAS ABAU

A CIUG publicou unha serie de preguntas coas súas respoostas. Son as máis frecuentes entre o alumnado e profesorado. Están divididas en dous apartados:
  1. En relación ás ABAU hai un total de 35 preguntas. 
  2. En relación ó acceso á universidade hai 32 preguntas
Pincha nas imaxes para acceder a elas.



sábado, 25 de enero de 2020

UN ANO MÁIS A CIUG FAI PRESENZA NO NOSO CENTRO

Como en anos anteriores, Pedro Armas vicepresidente da CIUG ( Comisión Interuniversitaria Galega ) estivo co alumnado de 1º e 2º de bacharelato para explicarlles as probas ABAU e o proceso de acceso á universidade.  Basicamente, non hai grandes cambios en relación a anos anteriores. Os únicos cambios que se producen son relativos  ós días de semana que se levarán as ABAU, un único procedemento de reclamación para estas probas e algún máis relativo ó proceso de admisión. Estos cambios pódense consultar premendo aquí.

A Pedro gústalle facer fincape no rigor absoluto das probas ABAU, garantizando o anonimato para que sexa xusto, e con igualdade de oportunidades para todos. Precisamente, esta é unha das razóns polas que ten que haber estas probas. De non ser así, podería ocurrir que as prazas universitarias se adxudicasen en función de determinados Institutos, pola tendencia á alza nas cualificacións outorgadas, frente a outros centros.

Outro aspecto importante é a posibilidade de solicitar as probas adaptadas para alumnos con necesidades específicas de apoio educativo. Esta xestión faise dende os centros educativos, recollendo aspectos metodolóxicos e medios técnicos, debidamente xustificados, que calquer alumno pode necesitar. Neste punto, é preciso clarificar que os contidos dos exames e os criterios de corrección son os mesmos . Para ampliar información consulta esta ligazón. 

Related Posts Plugin for WordPress, Blogger...